منتجع موڤنبيك طابا 5 نجوم

فندق جميل واقامه مريحه جدا جميع الموظفين لطاف وحسن الاستقبال وخدمه فوق الممتازه

مساء الخير انا والعائله انبسطنا كتير من الفندق والخدمه الممتازه والاهتمام من جميع الطاقم من مدير الفندق مستر محب مستر عبدلله وشريف في الاستقبال ايمن والشيف في غرفه الاكل وجميع العاملين في البارات عبدالفتاح ومصطفى بار البركه وليام بار البحر واخص بالذكر حبيبنا بلال مسؤول البارات على افضل خدمه ممكن تتقدم للزبون شكرا لكم جميعا ❣️👍

الطعام كان جيد بنسبه كبيرة والخدمة أيضا لكن كنا نود أفضل من ذلك كخدمة مقابل سعر.

من أول لحظة دخلنا فيها الفندق وإحنا حاسين إننا مش ضيوف… إحنا تقريبًا بقينا من أهل المكان 😄 الابتسامة، الذوق، سرعة الخدمة، والاهتمام بالتفاصيل الصغيرة قبل الكبيرة… كله كان على أعلى مستوى. الفندق نفسه جميل جدًا، نضيف ومرتب ومريح، والأجواء فيه تخلّي الواحد مش عايز يرجع البيت أصلًا 😅 لكن الصراحة الحاجة اللي فرّقت فعلًا هي الناس اللي شغالة هناك — فريق محترم، بشوش، وبيتعامل بذوق وحب حقيقي، مش مجرد شغل وخلاص. حابين نخص بالشكر الأستاذة لارا، المسؤولة عن تجربة النزلاء، واللي كانت قريبة من الكل بشكل جميل جدًا، مهتمة بكل تفصيلة، وتسأل وتتابع وكأنها مستضيفة ضيوف في بيتها مش في فندق. وجودها فعلًا بيعمل فرق كبير وبيخلّي الواحد مرتاح طول الوقت. وكمان الأستاذ شريف في الاستقبال، اللي عنده صبر مالوش آخر 😄 دائمًا مبتسم، خدوم جدًا، سريع في المساعدة، وعنده روح حلوة وخفة دم تخلّي أي موقف ألطف وأسهل. بصراحة خدمة على مستوى عالي جدًا وشخصية تسيب انطباع ممتاز عند أي حد يتعامل معاه. وطبعًا لازم نذكر وليد البارمان 🍹 بصراحة الدرينكات عنده حكاية لوحدها… من أحلى وأألذ المشروبات اللي جرّبناها، وكل مرة يقدّمها بنفسه بابتسامته وكلمته المشهورة: "جميلة" 😄 الراجل عنده طاقة حلوة وبيعرف يضيف جو لطيف يخلي الناس مبسوطة. وكمان إبراهيم المنقذ، إنسان محترم جدًا وخدوم، دايمًا مبتسم ووشه بشوش، ووجوده حوالين المسبح يدي إحساس بالراحة والاهتمام. وطبعًا شكر خاص للسيد محيب، المدير العام، على الاهتمام الواضح والمتابعة الشخصية والحرص إن كل نزيل يطلع مبسوط ومرتاح. واضح جدًا إن الإدارة هنا موجودة فعلًا وبتتابع بنفسها، وده شيء نادر ومميز جدًا. كل طلب كنا بنحتاجه كان بيتعمل بسرعة ومن غير أي تعقيد، وكله بابتسامة وكلمة حلوة. بجد عملتوا لنا إجازة جميلة وراحة نفسية قبل ما تكون مجرد إقامة في فندق. أكيد دي مش آخر زيارة، وإن شاء الله نرجع تاني… المرة الجاية يمكن نقعد أكتر كمان 😄 وأنصح أي حد يدور على راحة، احترام، وضيافة أصول — ييجي هنا وهو مغمّض. د. طه. 🌹

وصلنا اول يوم الساعه ٨ الصبح تقريبا ماخدناش ٥ دقايق في التسكين كل حاجه كانت جاهزة و دخلنا الغرفة علي طول بالنسبالي افضل حاجه في الفندق هي ان تعاملهم كويس جدا بصراحة خدمة ممتازة من اول دقيقة دخلنا فيها لحد ما خرجنا من الفندق وكلهم حرفيا مكانش في مشكلة مع اي حد نهائي الفندق جميل والغرف كبيرة وجميله البحر جميل فيه جزء رملي وجزء صخري فيه شعب مرجانيه واسماك جميله من علي الشاطي بره العيوب 👇👇 بالنسبالي اسوء حاجه كانت ان المطعم مش حلو مفيش تنوع اصناف قليلة و طعم عادي وكمان مفيش سناكس لكن لما قولت للشيف ان كان في مشكلة في الاكل في اول يوم كان بيتابع معايا كل يوم وكان في اكل بيتقدم للناس غير الي موجود الطبيعي يبقي في تنوع في الاكل كفاية اني مطلبش حاجه مش موجودة مفيش انيميشن في الفندق تقريبا هما ٢ ظهروا في اخر يوم ١٠ دقايق وخلاص الحفلة الساعه ٩ ونص بتخلص ١٠ لو اتاخرت شوي في العشا مش بتلحق اصلا انا كنت في ستراند السنة الي فاتت لو هنقارن الاكل و والبحر فا تقريا ستراند زيه بالزبط الانيميشن ستراند افضل الغرف و الاستاف موفنبيك مكانتش تجربة وحشه بس كنت متوقع افضل من الفندق